الاقامة الذهبية للتمريض في الامارات

مؤخراً أصدرت الامارات قوانين لمنح الاقامة الذهبية للتمريض في الامارات وبدأ تنفيذها حديثاً يعني اي إقامة ذهبية واي هي مميزاتها واي الفرق بينها وبين الإقامة الطبيعية ؟ ... كل ده هناقشه انهارده في انجز بس كده انجز وكمل والمقال للآخر 

ما هي الإقامة الذهبية للتمريض في الامارات ؟ 

في البداية علشان نقدر نفهم ما هي الاقامة الذهبية للتمريض في الامارات لازم نفهم الاقامة العادية طيب اي هي الاقامة العادية ؟ طيب فالعادي كان التمريض او ايا كان المهنة للشخص الي بيشتغل كانت مرتبطة بعقد العمل يعني مثلا لو الممرض معاه عقد عمل مع مستشفى او مؤسسة طبية لمدة سنتين فهو كده معاه إقامة لمدة سنتين يعني الاقامة مشروطة ومرتبطة بمدة عقد العمل وده معناه ان الشخص لو ساب العمل او تركه لاي سبب ايا كان فهو كده ملهوش اقامه فالبلد وده معناه ان مفيش استقرار اجتماعي ومفيش امان اجتماعي فالبلد نفسها وده بالنسبة للاقامة العادية الي كانت موجودة فالعادي 

مؤخرا بدات دولة الامارات تطبق نظام جديد فالاقامة وهو ما يسمى بالاقامة الذهبية 

الاقامة الذهبية / هي اقامة في الامارات لمدة 10 سنوات بدون شرط الكفيل وبدون شرط عقد العمل ويمكن جلب الاسرة الخاصة بالشخص الحاصل على الاقامة الذهبية على اسمه 

يعني دلوقتي معتش شرط الكفيل ولا شرط عقد العمل موجودين ومن هنا بتيجي فكرة الاستقرار والامان الاجتماعي الي الامارات بتطبقه 

مين هما الاشخاص الي الامارات بتديهم الاقامة الذهبية ؟

من اول بداية تطبيق فكرة الاقامة الذهبية فالامارت ومنحها مخصص لاصحاب الاعمال الاستثمارية والتكنولوجية الي بتساعد في تطوير دولة الامارات كمان لأصحاب العقول المبدعة والنوابغ غير حاملي الجنسية الاماراتية مؤخرا بدا يتم تطبيقها على نطاق اوسع شوية يعني مثلا لمجموعة معينة زي ال freelancers مثلا او الي بيشتغلو ع بعد الي هو ال remote working وفي اكتر من مجال من المجالات المهمة الي الامارات بدأت تمنحهم الاقامة الذهبية طبعا ده نظرا لأهمية المجال نفسه ومدى تاثيره على الدولة  

الإقامة الذهبية للتمريض في الامارات

نظرا لاهمية المجال الطبي عامة وأهمية المجال التمريضي خاصة ومعرفة دولة الامارات بأهمية القطاع التمريضي قررت دولة الامارات ضم الفريق التمريضي للمجموعات الي بيتم منحها الاقامة الذهبية وده من اول دخول العاملين في المجال التمريضي دولة الامارات والحصول على المعادلة اكيد هنعرفكم بعدين على الشروط والمتطلبات لمنح الاقامة الذهبية للتمريض في الامارات في مقال تاني الي هي بالمناسبة متطلبات بسيطة جدا وغير معقدة كمان طيب دلوقتي عرفنا ان تم منح الاقامة الذهبية لاعضاء لفريق التمريضي فالامارات اي هي بقى مميزات الاقامة الذهبية للتمريض فالامارات 

مميزات الاقامة الذهبية للتمريض في الامارات 

طبعا في جزء مهم جدا احنا متكلمناش عنه وهو اي هو انت كممرض معاك اقامة لمدة 10 سنوات وغير مشروطة في الامارات اي الي ممكن تستفيد منه من الدولة نفسها 

* فرص البحث عن فرص عمل اكتر وحرية التنقل من عمل لاخر بدون قيود الاقامة او العمل السابق 

* فرص التواجد في بيئة عمل مناسبة مع وجود بنية تحتية وتكنولوجية متطورة جدا وده بيساعد ان بيئة العمل تكون افضل كمان فرص التعليم وتطوير المهارات بيكون افضل 

* فرص التنقل بين الامارات المختلفة بدون قيود عمل او إقامة على عكس السابق انه لازم تكون مرتبط بالمكان الي انت بتشتغل فيه 

* فرصة كبيرة جدا انك تعمل استقطاب لأسرتك واهلك انهم يكونوا معاك مدة الاقامة دي في الامارات وده بيساعد انهم يكون ليهم نفس الفرص المتاحة ليك من تعليم وصحة وتدريب وتطوير وفرص عمل كمان 

* اخيرا ودي اهم ميزة وهي حرية التنقل وانك تقدر تفضل برا الامارات اكتر من 6 شهور عادي من غير ما تواجه اي مشاكل لانك معاك إقامة غير مشروطة بتديك امان وظيفي وكمان امان اجتماعي وبتبعد عنك اي نوع من انواع الاستفذاذ او المشاكل الي ممكن تواجهها كممرض شغال في الامارات 

ده كان كلام انجز في الاقامة الذهبية للتمريض في الامارات لازم تستنى بقى باقي المقالات الي هتعرفك خطوات وشروط الاقامة الذهبية للتمريض فالامارات الي هنكتب عنها اكيد في مقال تاني انجز انت بقى وبص على باقي المقالات الي في انجز